രാമപുരം: കൊണ്ടാട് ഗവ. എല്‍.പി. സ്‌കൂളില്‍ പൂര്‍വ്വ വിദ്യാര്‍ത്ഥി അധ്യാപക സംഗമം സമന്വയ 2016 ഒക്ടോബര്‍ 30ന് വിപുലമായ പരിപാടികളോടെ ആഘോഷിച്ചു. രാമപുരം പഞ്ചായത്ത് പ്രസിഡന്റ് ബൈജുജോണ്‍ പുതിയിടത്തുചാലിലിന്റെ അദ്ധ്യക്ഷത വഹിച്ചു. പൊതുസമ്മേളനം സിപ്പി പള്ളിപ്പുറം ഉദ്ഘാടനം ചെയ്തു. ഹെഡ്മിസ്ട്രസ് ജന്‍സി ഏലിയാസ് സ്വാഗതമാശംസിച്ചു. രാമപുരം പഞ്ചായത്ത് വൈസ് പ്രസിഡന്റ് ഷൈനി സന്തോഷ് പൂര്‍വ്വാധ്യാപകരെ പൊന്നാടയണിയിച്ച് ആദരിച്ചു. മുതിര്‍ന്ന പൂര്‍വ്വ വിദ്ധ്യാര്‍ത്ഥികളേയും ചടങ്ങില്‍ ആദരിക്കുകയുണ്ടായി. ടൈറ്റസ് മാത്യു, ജാന്‍സി ഫിലിപ്പോസ്, എം.എന്‍. സുരേന്ദ്രന്‍, എം.പി. ശ്രീനിവാസ്, പി.ടി.എ. പ്രസിഡന്റ് എ.ജെ. ജോണ്‍, റീന പി. പോള്‍ തുടങ്ങിയവര്‍ സംസാരിച്ചു.