വത്തിക്കാന്‍ സിറ്റി: കത്തോലിക്കാസഭയില്‍ വനിതാപുരോഹിതര്‍ ഒരിക്കലുമുണ്ടാകില്ലെന്ന് പോപ്പ് ഫ്രാന്‍സിസ്. റോമന്‍ കത്തോലിക്കാ സഭ സ്ത്രീകള്‍ പുരോഹിതരാകുന്നത് എന്നെന്നേക്കുമായി നിരോധിച്ചതാണ്. അത് ഒരിക്കലും മാറ്റാനാകില്ലെന്നും അദ്ദേഹം പറഞ്ഞു. സ്വീഡനിലെ ലുത്തേറിയന്‍ സഭയില്‍ വനിതാ പുരോഹിതരെ നിയമിച്ചത് ചൂണ്ടിക്കാട്ടിയുള്ള വനിതാ മാധ്യമപ്രവര്‍ത്തകയുടെ ചോദ്യത്തിനു മറുപടി നല്‍കുകയായിരുന്നു അദ്ദേഹം. ഇക്കാര്യത്തില്‍ ജോണ്‍പോള്‍ രണ്ടാമന്‍ അന്തിമ മറുപടി നല്‍കിയിട്ടുണ്ട്. അതില്‍ ഒരിക്കലും മാറ്റം വരാന്‍ പോകുന്നില്ല. തന്റെ അപ്പോസ്തലന്‍മാരായി പുരുഷന്‍മാരെ മാത്രമാണ് ക്രിസ്തു ആഗ്രഹിച്ചിരുന്നത്. അതിനാലാണ് സ്ത്രീകളെ പുരോഹിതരാക്കുന്നതിനെ സഭ എതിര്‍ക്കുന്നതെന്നും അദ്ദേഹം പറഞ്ഞു.