കുന്നൂര്‍: ജോലി നിഷേധിച്ചതിനെ തുടര്‍ന്ന് തമിഴ്‌നാട് ട്രാന്‍സ്‌പോര്‍ട്ട് കോര്‍പറേഷന്‍ ബസ് ഡ്രൈവര്‍ ആത്മഹത്യക്ക് ശ്രമിച്ചു. കുന്നൂര്‍ ഡിപ്പോയിലെ ജീവനക്കാരന്‍ ഓറശോല സ്വദേശി കമല്‍കണ്ണനാ(38)ണ് ആത്മഹത്യക്ക് ശ്രമിച്ചത്. ഡിപ്പോയില്‍ വെച്ച് പെട്രോളൊഴിച്ച് തീകൊളുത്താന്‍ ഇയാള്‍ ശ്രമിച്ചെങ്കിലും മറ്റ് ജീവനക്കാര്‍ ഇടപെട്ട് ഇയാളെ പിന്തിരിപ്പിക്കുകയായിരുന്നു. മൂന്ന് ദിവസമായി ഇയാള്‍ക്ക് അധികൃതര്‍ ജോലി നല്‍കിയിരുന്നില്ല. ഇതേത്തുടര്‍ന്നാണ് ഇയാള്‍ ആത്മഹത്യക്ക് ശ്രമിച്ചത്.