മാവൂര്‍: ഊര്‍ക്കടവ് റഗുലേറ്റര്‍ കം ബ്രിഡ്ജിനു സമീപമുള്ള പുഴയില്‍ മാലിന്യം തള്ളുന്നതായി പരാതി. പുഴയ്ക്കു കുറുകെയുള്ള പാലങ്ങളില്‍ നിന്നാണ് മാലിന്യം തള്ളുന്നത്. കവണക്കല്ല് പാലത്തിന്റെ സമീപത്തുള്ള ചായക്കടകളില്‍ നിന്ന് ഒഴിവാക്കുന്ന ഭക്ഷണാവശിഷ്ടങ്ങളും മറ്റും പുഴയിലേക്കു വലിച്ചറിയുകയാണ്.
ഷട്ടര്‍ അടച്ചിട്ടതിനാല്‍ പാലത്തിന്റെ തൂണുകളിലും മറ്റും തങ്ങിനില്‍ക്കുന്ന മാലിന്യശേഖരം മഴയത്ത് ചീഞ്ഞുനാറുകയാണ്. ഇതുമൂലം വിനോദസഞ്ചാരികള്‍ അടക്കം ഇവിടെ വിശ്രമിക്കാനെത്തുന്നവര്‍ ദുരിതമനുഭവിക്കുകയാണ്.