പൂനെ: ഐ.എസ്.എല്ലില്‍ മോശം ഫോമിലുള്ള ടീമുകളുടെ നേര്‍ക്കുനേര്‍ പോരില്‍ വിജയം എഫ്.സി ഗോവയ്ക്ക്. എഫ്.സി പൂനെ സിറ്റിയെ അവരുടെ തട്ടകത്തില്‍ കെട്ടുകെട്ടിച്ച ഗോവ സീസണിലെ രണ്ടാം ജയമാണ് സ്വന്തമാക്കിയത്. മറുപടിയില്ലാത്ത ഒറ്റ ഗോളിനാണ് ഗോവയുടെ വിജയം. ജയത്തോടെ ഗോവ അവസാന സ്ഥാനത്തു നിന്നു ഒരു സ്ഥാനം ഉയര്‍ന്ന് ഏഴിലെത്തി. തോല്‍വിയോടെ പൂനെ അവസാന സ്ഥാനത്തേക്കു വീണു.
നിര്‍ണായക പോരാട്ടമാണ് സീക്കോയും സംഘവും വിജയിച്ചത്. കളിയുടെ 32ാം മിനുട്ടില്‍ റാഫേല്‍ കൊയ്‌ലോയാണ് വിജയ ഗോളിനുടമയായത്. കൊയ്‌ലോ തൊടുത്ത മനോഹരമായ ഫ്രീ കിക്ക് പൂനെ പ്രതിരോധത്തെ മറികടന്ന് മേപാസ്റ്റിന്റെ ഇടതു മൂലയില്‍ വിശ്രമിക്കുകയായിരുന്നു. തിരിച്ചടിക്കായി പൂനെ കിണഞ്ഞു ശ്രമിച്ചെങ്കിലും ഗോവന്‍ പ്രതിരോധം അതിനു വിലങ്ങായി നിന്നു.