തേഞ്ഞിപ്പലം: വിവിധ ഹൈസ്‌കൂള്‍, ഹയര്‍ സെക്കന്‍ഡറി സ്‌കൂളുകളിലെ ഒരു ലക്ഷം വിദ്യാര്‍ഥികള്‍ക്കു സുരക്ഷാവബോധം നല്‍കുന്നതിനായി കാലിക്കറ്റ് സര്‍വകലാശാല യു.ജി.സി സഹകരണത്തോടെ ആവിഷ്‌കരിച്ച ബൃഹത് പദ്ധതി വൈസ് ചാന്‍സലര്‍ ഡോ. കെ. മുഹമ്മദ് ബഷീര്‍ ഉദ്ഘാടനം ചെയ്തു.
സര്‍വകലാശാലാ കാംപസ് ഹയര്‍ സെക്കന്‍ഡറി സ്‌കൂള്‍ പ്രിന്‍സിപ്പല്‍ കെ. ജയദേവന്‍ അധ്യക്ഷനായി.
ഹെഡ്മിസ്ട്രസ് ആശാലത, പി.ടി.എ പ്രസിഡന്റ് തോമസ് മാളിയേക്കല്‍, വനിതാ പഠനവകുപ്പ് മേധാവി ഡോ. മോളി കുരുവിള, ഹൈസ്‌കൂള്‍ എന്‍.എസ്.എസ് പ്രോഗ്രാം ഓഫിസര്‍ ഡോ. എം.ആര്‍ ദീപ്തി സംസാരിച്ചു.