കോഴിക്കോട്:  ഐ.എന്‍.ടി യുസിയില്‍  അഫിലിയേറ്റ് ചെയ്തു പ്രവര്‍ത്തിക്കുന്ന ഫെഡറേഷന്‍ ഓഫ് നാഷണല്‍  പോസ്റ്റല്‍ ഓര്‍ഗനൈസേഷന്റെ സംസ്ഥാന സമ്മേളനം മെയ് 21,22,23 തിയതികളില്‍  കോഴിക്കോട് ഗുജറാത്തി ഹാളില്‍ നടക്കും. പോസ്റ്റല്‍ മേഖലയിലേയും എന്‍.പി. ഒ യുടേയും ക്ലാസ്  മൂന്ന് ജീവനക്കാരും അക്കൗണ്ട്‌സ് വിഭാഗവും  സിവില്‍ വിഭാഗവും  ജി.ഡി.എസ് ജീവനക്കാരും ഉള്‍പെടുന്നതാണ് എഫ്.എന്‍.പി.ഒ. ശനിയാഴ്ച   എം.കെ രാഘവന്‍ എം.പി ഉദ്ഘാടനം ചെയ്യും. 23 ന് നടക്കുന്ന സമാപന സമ്മേളനത്തില്‍ രമേശ് ചെന്നിത്തല, അഡ്വ.പി ശങ്കരന്‍ എന്നിവര്‍ സംബന്ധിക്കും. പത്രസമ്മേളനത്തില്‍ അഡ്വ. എം രാജന്‍, സംസ്ഥാന കണ്‍വീനര്‍ ജോണ്‍സണ്‍ ഡി ആവോക്കാരന്‍, സ്വാഗതസംഘം ജനറല്‍ കണ്‍വീനര്‍ ടി സുരേഷ്‌കുമാര്‍,  കെ രാജന്‍, സി .ഹൈദരലി, പി.കെ മുരളീധരന്‍, പി. അബ്ദുല്ല എന്നിവര്‍ പങ്കെടുത്തു.