മഞ്ചേരി: പയ്യനാട് സ്റ്റേഡിയത്തില്‍ ഇന്ന് ആവേശത്തിന്റെ പന്തുരുളും. എ ഡിവിഷന്‍ ടൂര്‍ണമെന്റിന്റെ  ഉദ്ഘാടന മത്സരത്തിന് ഇന്നു വൈകിട്ട് നാലോടെ തുടക്കമാകും. ജില്ലാ എ ഡിവിഷനു പുറമെ ബി ഡിവിഷനും മത്സരത്തിനെത്തുന്നുണ്ട്. നാളെ രാവിലെ 7.30നാണ് ബി.ഡിവിഷന്‍ കളിക്കളത്തിലിറങ്ങുക. എ ഡിവിഷന്‍ ആദ്യ കളിയില്‍ എം.എസ്.പി മലപ്പുറവും എ.എസ്.സി അരീക്കോടും ഏറ്റുമുട്ടും. ബി ഡിവിഷനില്‍ ബ്രദേഴ്‌സ് തിരൂരും റോയല്‍ എഫ്‌സി മഞ്ചേരിയും തമ്മിലാണ് ആദ്യമത്സരം.
 ബി ഡിവിഷനില്‍  എന്‍.എസ്.എസ് കോളജ് മഞ്ചേരി, ഇന്‍ഡിപെന്‍ഡന്റ് സോക്കര്‍ ക്ലബ് മങ്കട,  ഇ.എം.ഇ.എ കോളജ് കൊണ്ടോട്ടി, ബ്രദേഴ്‌സ് തിരൂര്‍, ജൂനിയര്‍ ബാസ്‌കോ ഒതുക്കുങ്ങല്‍, റോയല്‍ എഫ്‌സി മഞ്ചേരി ടീമുകളാണ് രംഗത്തുണ്ടാവുക. എഡിവിഷനില്‍ ഏഴു ടീമുകളാണുള്ളത്. മലപ്പുറം എം.എസ്.പിയാണ് നിലവിലെ ജേതാക്കള്‍. എ.എസ്.സി അരീക്കോട്, എം.ഇ.എസ് കോളജ്  മമ്പാട്, ജുവനൈല്‍ എടവണ്ണ, ഫ്രന്റ്‌സ് മമ്പാട്, നിലവിലെ റണ്ണേഴ്‌സായ  ബാസ്‌കോ ഒതുക്കുങ്ങല്‍, എവര്‍ഗ്രീന്‍ മഞ്ചേരി തുടങ്ങിയ ടീമുകളാണ്  എ ഡിവിഷനില്‍ രംഗത്തുള്ളത്. ടൂര്‍ണമെന്റിന്റെ  മുഴുവന്‍ ഒരുക്കങ്ങളും പൂര്‍ത്തിയായിട്ടുണ്ട്.