കല്‍പ്പറ്റ: ആഗോള ഭീകരവാദത്തിനെതിരെ പ്രതിഷേധ കൂട്ടായ്മ സൃഷ്ടിച്ച് ആയിരം ബലൂണുകള്‍ ആകാശത്തേക്ക് പറത്തി കോളജ് യൂനിയന്‍ ഉദ്ഘാടനം. മുട്ടില്‍ ഡബ്ല്യു.എം.ഒ. കോളജ് യൂനിയന്‍ ഉദ്ഘാടനമാണ് വ്യത്യസ്ഥതകൊണ്ട് ശ്രദ്ധേയമായത്. കൂട്ടായ്മയില്‍ സമാധാനത്തിന്റെ സന്ദേശമായി സൗഹൃദ ചങ്ങല സൃഷ്ടിക്കുകയും കൈകള്‍ കോര്‍ത്ത് നിന്നും ഭീകര വാദത്തിനെതിരെ ദൃഢ പ്രതിജ്ഞയെടുക്കുകയും ചെയ്തു.
കോളജ് യൂനിയന്‍ ചെയര്‍മാന്‍ റിയാസ് പാപ്ലശ്ശേരി അധ്യക്ഷനായി. കോളജ് പ്രിന്‍സിപ്പല്‍ ഡോ: മുഹമ്മദ് ഫരീദ്, മായിന്‍ മണിമ, സിബി ജോസഫ്, നോബര്‍ട്ട് തോമസ്, ഡോ: വിജിപോള്‍, ഷെമീര്‍ പാറമ്മല്‍, ഷഫീഖ് വഴിപ്പാറ, സാനിഷ് നിസാര്‍, പി സുബൈര്‍, നസീര്‍ ഗസാലി തുടങ്ങിയവര്‍ സംസാരിച്ചു. കോളജ് ഫൈന്‍ ആട്‌സ് ക്ലബിന്റെ ഉദ്ഘാടനം പ്രശസ്ത ഗായിക സുറുമി നിര്‍വഹിച്ചു. യൂനിയന്‍ സെക്രട്ടറി മുഹമ്മദ് ജാസില്‍ സ്വാഗതവും വൈസ് ചെയര്‍മാന്‍ ടി.കെ തന്‍സീറ നന്ദിയും പറഞ്ഞു.


.