മക്ക: ഉംറ തീര്‍ഥാടകര്‍ സഞ്ചരിച്ച ബസ് മറിഞ്ഞ് 29 തീര്‍ഥാടകര്‍ക്ക് പരുക്ക്. മക്കയ്ക്കടുത്ത് പഴയ തീരദേശ റോഡില്‍ വെള്ളിയാഴ്ച പുലര്‍ച്ചെയാണ് സംഭവം. അല്‍ബാഹയില്‍ നിന്ന് 49 തീര്‍ഥാടകരെയും വഹിച്ച് മക്കയിലേക്ക് വന്ന ബസാണ് അപകടത്തില്‍പ്പെട്ടത്. വിവിധ രാജ്യക്കാരായ ആളുകളാണ് ബസ്സിലുള്ളത്.
പാകിസ്താന്‍ പൗരനാണ് ഡ്രൈവര്‍. പരുക്കേറ്റവരെ മക്കയിലെ വിവിധ ആശുപത്രികളില്‍ പ്രവേശിപ്പിച്ചതായി മക്ക ട്രാഫിക്ക് മേധാവി കേണല്‍ ബാസില്‍ അല്‍ബദ്രി പറഞ്ഞു.