കൊച്ചി: കൊച്ചിയില്‍ കഞ്ചാവും ഹാന്‍സുമായി മൂന്നുപേര്‍ പൊലിസ് പിടിയിലായി.
കലൂര്‍ പരിസരത്ത് നിന്നും പത്ത് പൊതി കഞ്ചാവുമായി എളമക്കര കറുകപ്പിള്ളി പുന്നക്കുടി വീട്ടില്‍ മുബാറക്കും ചിറ്റൂര്‍ എടയക്കുന്നം ഭാഗത്തു നിന്നും 434 പാക്കറ്റ് ഹാന്‍സുമായി പോട്ടേക്കാട്ടില്‍ ഷംസുദ്ധീന്റെ മകന്‍ ഷാജഹാനും 240 പാക്കറ്റ് ഹാന്‍സുമായി തേവക്കല്‍ രാമകൃഷ്ണന്റെ മകന്‍ മണികണ്ഠനുമാണ് ഷാഡോ പൊലിസിന്റെ പിടിയിലായത്. സ്‌പെഷ്യല്‍ ബ്രാഞ്ച് അസിസ്റ്റന്റ് കമ്മിഷണര്‍ കെ.വി വിജയനു കിട്ടിയ രഹസ്യ വിവരത്തിന്റെ അടിസ്ഥാനത്തിലാണ് റെയ്ഡ് സംഘടിപ്പിച്ചത്. റെയ്ഡില്‍ ഷാഡോ സബ് ഇന്‍സ്‌പെക്ടര്‍ നിത്യാനന്ദ പൈ, സിവില്‍ പൊലിസ് ഓഫിസര്‍മാരായ വിലാസന്‍, ബെന്നി, ആന്റണി, വേണു, ഷാജി, രാഹുല്‍ എന്നിവര്‍ പങ്കെടുത്തു.