കടുത്തുരുത്തി: ശക്തമായ കാറ്റിലും മഴയിലും റബര്‍ മരം കട പുഴകി വീണു വീടിന് നാശം. ഞീഴൂര്‍ തിരുവമ്പാടിയില്‍ ഇന്നലെ രാവിലെ എട്ടോടെയാണ് സംഭവം. തിരുവമ്പാടി ഈന്തുങ്കല്‍ ഹരി വാടകയ്ക്കു നല്‍കിയ വീടിന് മുകളിലാണ് മരം വീണത്.
ബിജു, ഭാര്യ പ്രീത ഇവരുടെ രണ്ട് മക്കള്‍ എന്നിവരാണ് വീട്ടില്‍ താമസിച്ചിരുന്നത്. സംഭവം നടക്കുമ്പോള്‍ പ്രീതയും രണ്ട് കുട്ടികളുമാണ് വീട്ടില്‍ ഉണ്ടായിരുന്നത്. ശബ്ദം കേട്ട് പ്രീത കുട്ടികളുമായി വീടിന് പുറത്തേക്ക് ഓടിയതിനാല്‍ വന്‍ദുരന്തം ഒഴിവായി. മരം വീണതിനെ തുടര്‍ന്ന് വീടിന്റെ മേല്‍ക്കൂരയും ഓടും നശിച്ചു.