കൊല്ലം: ഇ.പി.എഫ് പെന്‍ഷന്‍ മുടങ്ങാതെ വിതരണം ചെയ്യുവാനുള്ള സത്വരനടപടി സ്വീകരിക്കണമെന്നാവശ്യപ്പെട്ട് എന്‍.കെ പ്രേമചന്ദ്രന്‍ എം.പി ഇ.പി.എഫ് കമ്മിഷണര്‍ക്ക് കത്ത് നല്‍കി. ഇ.പി.എഫ് നിബന്ധനപ്രകാരമുള്ള സൗകര്യങ്ങളൊരുക്കുവാന്‍ എല്ലാ ബാങ്കുകള്‍ക്കും നിര്‍ദ്ദേശം നല്‍കണമെന്നും ബാങ്കുകള്‍ സൗകര്യമൊരുക്കുന്നതു വരെ നിലവിലുള്ള ചട്ടങ്ങള്‍ പാലിച്ച് പെന്‍ഷന്‍ വിതരണം നടത്താന്‍ അടിയന്തിര നടപടി സ്വീകരിക്കണമെന്നും എം.പി ആവശ്യപ്പെട്ടു.

ഉദ്ഘാടനവും ക്വിസ് മത്സരവും

ചവറ: ചവറ മുസ്‌ലിം കള്‍ച്ചറല്‍ അസോസിയേഷന്‍ (സി.എം.സി.എ) പുതുതായി ആരംഭിച്ച വായനശാലയുടെ ഉദ്ഘാടനവും ക്വിസ് മത്സരവും നടന്നു. ജോ. സെക്രട്ടറി തൗഫീക്ക് താജുദ്ദീന്‍ പതാക ഉയര്‍ത്തി. വായനശാല ചവറ ഗ്രമപഞ്ചായത്തംഗം സോഫിയ സലാം ഉദ്ഘാടനം ചെയ്തു.
പ്രസിഡന്റ ടി.കെ ഷാന്‍ അധ്യക്ഷനായി. റിട്ട. എച്ച്.എം ഹമീദ് സമ്മാനദാനം നടത്തി. ചവറ മുസ്‌ലിം ജമാഅത്ത് സെക്രട്ടറി മുഹമ്മദ് ഫൈസ് താച്ചയില്‍, കെ.ഇ ചെപ്പള്ളി, ചവറ ലൈജു, സുജയ് മുഹമ്മദ്, ദീന്‍ഷാ മണ്ണേല്‍, കെ.സാബു, സുനീര്‍ എന്നിവര്‍ സംസാരിച്ചു.