എം.ബി.എ റഗുലര്‍,

സപ്ലിമെന്ററി പരീക്ഷാ കേന്ദ്രം
വിദൂരവിദ്യാഭ്യാസം രണ്ടാം സെമസ്റ്റര്‍ എം.ബി.എ (സി.യു.സി.എസ്.എസ്) റഗുലര്‍,സപ്ലിമെന്ററി പരീക്ഷ നവംബര്‍ 18-ന് ആരംഭിക്കും. കോഴിക്കോട് ഐ.എച്ച്.ആര്‍.ഡി കോളജ് ഓഫ് അപ്ലൈഡ് സയന്‍സ്, കുറ്റിപ്പുറം എസ്.എം.എസ് എന്നീ കേന്ദ്രങ്ങളില്‍ രജിസ്റ്റര്‍ ചെയ്തവര്‍ കോഴിക്കോട് വെസ്റ്റ് ഹില്ലിലുള്ള സെന്റ് അല്‍ഫോണ്‍സ കോളജ് ഫോര്‍ ഹോട്ടല്‍ മാനേജ്‌മെന്റിലും തൃശൂര്‍ ഡോ.ജോണ്‍ മത്തായി സെന്റര്‍ കേന്ദ്രമായി രജിസ്റ്റര്‍ ചെയ്തവര്‍ തൃശൂര്‍ പാറമേക്കാവ് കോളജ് ഓഫ് ആര്‍ട്‌സ് ആന്റ് സയന്‍സിലും പരീക്ഷക്ക് ഹാജരാകണം.

പ്രൈവറ്റ് ഡിഗ്രി പ്രവേശനം നവംബര്‍ 10 വരെ
പ്രൈവറ്റ് രജിസ്‌ട്രേഷന്‍ മുഖേന യു.ജി കോഴ്‌സുകളില്‍ പ്രവേശനത്തിന് 500 രൂപ പിഴയോടെ നവംബര്‍ പത്ത് വരെ ഓണ്‍ലൈനില്‍ അപേക്ഷിക്കാം. അപേക്ഷാ ഫോമും കൂടെ സമര്‍പ്പിക്കേണ്ട രേഖകള്‍, വിദ്യാഭ്യാസ യോഗ്യത, ഫീസ് തുടങ്ങിയ വിവരങ്ങളും സര്‍വകലാശാലാ വെബ്‌സൈറ്റിലെ ഹോം പേജില്‍ ലഭ്യമാണ്. അക്ഷയ കേന്ദ്രങ്ങള്‍,ജനസേവന കേന്ദ്രങ്ങള്‍,എസ്.ബി.ടി ഓണ്‍ലൈന്‍ എന്നീ രീതിയില്‍ ഫീ അടക്കാം. അപേക്ഷയുടെ പ്രിന്റൗട്ട് (ഫോട്ടോ ഗസറ്റഡ് ഓഫിസര്‍ സാക്ഷ്യപ്പെടുത്തിയത്) പ്രോസ്‌പെക്ടസില്‍ പറഞ്ഞ മുഴുവന്‍ രേഖകള്‍ സഹിതം നവംബര്‍ 23-നകം ലഭിക്കണം.

ബി.കോം,ബി.ബി.എ
ഹാള്‍ടിക്കറ്റ്

നവംബര്‍ 11-ന് ആരംഭിക്കുന്ന വിദൂരവിദ്യാഭ്യാസം അഞ്ചാം സെമസ്റ്റര്‍ ബി.കോം, ബി.ബി.എ (സി.യു.സി.ബി.സി.എസ്.എസ്) റഗുലര്‍ പരീക്ഷകളുടെ ഹാള്‍ടിക്കറ്റുകളും ടൈംടേബിളും വെബ്‌സൈറ്റില്‍ ലഭ്യമാണ്.

പി.ജി രണ്ടാം വര്‍ഷ
ട്യൂഷന്‍ ഫീസ്
2015 വര്‍ഷത്തില്‍ എസ്.ഡി.ഇ വിജ്ഞാപന പ്രകാരം പ്രവേശനം നേടിയ പി.ജി രണ്ടാം വര്‍ഷ വിദ്യാഥികള്‍ക്കുള്ള ട്യൂഷന്‍ ഫീസ് 500 രൂപ പിഴയോടെ അടക്കാനുള്ള തിയതി നവംബര്‍ 14 വരെ നീട്ടി. പൂരിപ്പിച്ച അപേക്ഷ, ചലാന്‍ സഹിതം നവംബര്‍ 19-നകം എസ്.ഡി.ഇയില്‍ ലഭിക്കണം.