കണ്ണൂര്‍: നിയമസഭാ തെരഞ്ഞെടുപ്പിന്റെ വോട്ടെടുപ്പ് നടപടികളുടെ നിയമസഭാ മണ്ഡലാടിസ്ഥാനത്തിലുള്ള സൂക്ഷ്മ പരിശോധന നിരീക്ഷകരുടെ സാന്നിധ്യത്തില്‍ കലക്ടറേറ്റ് കോണ്‍ഫറന്‍സ് ഹാളില്‍ നടന്നു. 11 നിയമസഭാ മണ്ഡലത്തിലെയും തെരഞ്ഞെടുപ്പ് നിരീക്ഷകര്‍, റിട്ടേണിങ്ങ് ഓഫിസര്‍മാര്‍ എന്നിവരുടെ സാന്നിധ്യത്തിലായിരുന്നു സൂക്ഷ്മ പരിശോധന. കേന്ദ്ര തെരഞ്ഞെടുപ്പ് കമ്മിഷന്‍ നിര്‍ദേശിച്ച രേഖകള്‍ സൂക്ഷ്മ പരിശോധന നടത്തി ക്രമക്കേടുകള്‍ ഇല്ലെന്ന് ഉറപ്പ് വരുത്തുകയാണ് ചെയ്യുന്നത്.
ജില്ലാ കലക്ടര്‍ പി ബാലകിരണ്‍, ഡെപ്യൂട്ടി കലക്ടര്‍ സി.സജീവ്, അസിസ്റ്റന്റ് കലക്ടര്‍ എസ്. ചന്ദ്രശേഖര്‍ തുടങ്ങിയവരും പരിശോധനയില്‍ പങ്കെടുത്തു.