തിരുവനന്തപുരം: കേരള സ്ത്രീ പഠന കേന്ദ്രത്തിന്റെ പി.കെ റോസി പുരസ്‌കാരം കെ.പി.എ.സി ലളിതക്ക്. ചലച്ചിത്രരംഗത്ത് മികച്ച സംഭാവന നല്‍കിയ സ്ത്രീകള്‍ക്കാണ് മലയാള സിനിമയിലെ ആദ്യനായികയായ പി.കെ റോസിയുടെ പേരില്‍ പുരസ്‌കാരം ഏര്‍പ്പെടുത്തിയിരിക്കുന്നത്. ശാരദ, കവിയൂര്‍ പൊന്നമ്മ എന്നിവര്‍ക്കാണ് കഴിഞ്ഞ വര്‍ഷങ്ങളില്‍ പുരസ്‌കാരം നല്‍കിയത്. ഫീമെയില്‍ ഫിലിം ഫെസ്റ്റിവലിനോടനുബന്ധിച്ച് ഡിസംബര്‍ നാലിന് തിരുവനന്തപുരത്ത് ഭാരത് ഭവനില്‍ നടക്കുന്ന ചടങ്ങില്‍ മുഖ്യമന്ത്രി പിണറായി വിജയന്‍ പുരസ്‌കാരം സമ്മാനിക്കും.