വെള്ളറട: അമ്പൂരി വനമേഖലയില്‍ വ്യാജ ചാരായം നിര്‍മിച്ച് വള്ളത്തില്‍ കടത്താന്‍ ശ്രമിക്കവേ എക്‌സൈസ് പിടികൂടി. അമ്പൂരി കാരിക്കുഴി ലാലു ഭവനില്‍ കുമാര്‍ കാണി(47) ആണ് പിടിയിലായത്. ഇയാളില്‍നിന്ന് അഞ്ച് ലിറ്റര്‍ ചാരായവും പിടിച്ചു. അമരവിള എക്‌സൈസ് ഇന്‍സ്‌പെക്ടര്‍ക്ക് കിട്ടിയ രഹസ്യ വിവരത്തിന്റെ അടിസ്ഥാനത്തില്‍ എത്തിയ എക്‌സൈസ് സംഘമാണ് ഇയാളെ പിടികൂടിയത്. എക്‌സൈസ് ഇന്‍സ്‌പെക്ടര്‍ ജെ.എസ്.ബിനു, പ്രിവന്റീവ് ഓഫിസര്‍ മഹേഷ്, ജീപ്പ് ഡ്രൈവര്‍ സ്റ്റീഫന്‍ എന്നിവരടങ്ങുന്ന സംഘമാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.