പാലാ:രാമപുരം വിവാദമായ കോട്ടമലയില്‍ പാറമട മാഫിയ മൃഗങ്ങളെ കൊന്നൊടുക്കുന്നു. കുരങ്ങ്, മയില്‍ ഉള്‍പ്പെടെയുള്ളവയെയാണ് വ്യാപകമായി കൊന്നൊടുക്കുന്നത്. പാറമടയ്ക്ക് വേണ്ടി വാങ്ങിക്കൂട്ടിയ മലനിരകളിലെ മൃഗങ്ങളെയാണ് കൊല്ലുന്നത്.
വിവിധയിനം മൃഗങ്ങളുള്ള പ്രദേശമാണ് കോട്ടമല. പാറമ ലോബി മലനിരകള്‍ സ്വന്തമാക്കിയതിന് ശേഷം കൊന്ന മൃഗങ്ങളുടെ അവശിഷ്ടങ്ങള്‍ സ്ഥിരമായി കാണാറുണ്ടെന്ന് നാട്ടുകാര്‍ പറയുന്നു. വന്യമൃഗങ്ങളെ അനധികൃതമായി കൊന്നൊടുക്കുന്നവര്‍ക്കെതിരെ അടിയന്തിര നടപടികള്‍ സ്വീകരിക്കണമെന്ന് നാട്ടുകാര്‍ ആവശ്യപ്പെട്ടു. മൃഗങ്ങള്‍ക്ക് പുറമെ കോട്ടമലയിലെ അപൂര്‍വ്വമായ ജൈവ സമ്പത്തും നശിപ്പിക്കപ്പെടുമെന്നും നാട്ടുകാര്‍ ആരോപിക്കുന്നു. മനുഷ്യനും, മൃഗങ്ങള്‍ക്കും, ജൈവ സമ്പത്തിനുമെല്ലാം ഒരേപോലെ ദോഷകരമാണ് കോട്ടമല പാറമട എന്ന് നാട്ടുകാര്‍ പറയുന്നു.