കാഞ്ഞാര്‍: സ്‌കൂള്‍, കോളജ് വിദ്യാര്‍ഥികള്‍ക്ക് കഞ്ചാവ് വില്‍പ്പന നടത്തി വന്നിരുന്നയാള്‍ എക്‌സൈസിന്റെ പിടിയില്‍. കാഞ്ഞാര്‍ മുണ്ടുനടയ്ക്കല്‍ ജോസ്(52) ആണ് തൊടുപുഴ എക്‌സൈസിന്റെ പിടിയിലായത്. ഇയാളില്‍ നിന്ന് 30 ഗ്രാം കഞ്ചാവും പിടിച്ചെടുത്തു.
എക്‌സൈസ് ഇന്‍സ്‌പെക്ടര്‍ ഷാജി ജോര്‍ജ്, പ്രിവന്റീവ് ഓഫീസര്‍ സുബാഷ്, സിവില്‍ എക്‌സൈസ് ഓഫീസര്‍മാരായ പ്രകാശ്, അജിത്, സുബൈര്‍, അനൂപ് ഡ്രൈവര്‍ സാബു
എന്നിവരാണ് പ്രതിയെ പിടികൂടിയത്. ഇന്നലെ വൈകുന്നേരം 5 മണിയോടെ നടത്തിയ പരിശോധനയിലാണ് പൊതികളായുള്ള വില്‍പ്പനയ്ക്കിടെ കാഞ്ഞാര്‍ പാലത്തിന് സമീപത്ത് നിന്നും പ്രതി കുടുങ്ങുന്നത്. പ്രതിയെ ഇന്ന് കോടതിയില്‍ ഹാജരാക്കും.