പാലക്കാട്: യു.എസ് ജനപ്രതിനിധി സഭയിലേക്ക് ആദ്യമായി ഒരു മലയാളിയെ സംഭാവന ചെയ്തതിന്റെ ആഹ്ലാദത്തിലും അഭിമാനത്തിലുമാണ് പാലക്കാട്ടുകാര്‍. ഡെമോക്രാറ്റിക് സ്ഥാനാര്‍ഥിയായാണ് സിയാറ്റിലില്‍നിന്നു പാലക്കാട്ടുകാരിയായ അഡ്വ. പ്രമീള ജയപാല്‍ അമേരിക്കന്‍ കോണ്‍ഗ്രസിലേക്ക് തെരഞ്ഞെടുക്കപ്പെട്ടത്.
57 വോട്ടുനേടി പ്രമീള സ്വന്തമാക്കിയ വിജയം അമേരിക്കന്‍ മാധ്യമങ്ങള്‍ക്കൊപ്പം ഇന്ത്യന്‍ മാധ്യമങ്ങളും വന്‍ ആഘോഷമാക്കി. പ്രമീള ജയപാല്‍ മലയാളിയാണെന്ന് ചെന്നൈയിലെ അമേരിക്കന്‍ കോണ്‍സുലേറ്റാണ് സ്ഥിരീകരിച്ചത്.
ഇന്ത്യയിലെ തന്റെ ജീവിതാനുഭവങ്ങളെക്കുറിച്ച് പിന്‍ഗ്രിമേജ്: വണ്‍ വിമണ്‍സ് റിട്ടേണ്‍ ടു എ ചേഞ്ചിംഗ് ഇന്ത്യയെന്ന പുസ്തകവും ഇവര്‍ രചിച്ചിട്ടുണ്ട്. 1995 മുതല്‍ കേരളം ഉള്‍പ്പെടെ അഞ്ചു സംസ്ഥാനങ്ങളിലെ എണ്‍പതോളം ഗ്രാമങ്ങളില്‍ സഞ്ചരിച്ചു തയാറാക്കിയതാണ് ഈ പുസ്തകം.