കാസര്‍കോട്: ഈവര്‍ഷത്തെ നാഷണല്‍ സര്‍വിസ് സ്‌കീം വളണ്ടിയര്‍മാര്‍ക്കുള്ള സപ്തദിനസഹവാസ ക്യാംപിനു മുന്നോടിയായുള്ള ജില്ലാതല പ്രീ ക്യാംപ് ഓറിയന്റേഷന്‍ പ്രോഗ്രാം 'ഊഞ്ഞാല്‍' 12നു കാട്ടുകുക്കെ സുബ്രഹ്മണേശ്വര ഹയര്‍സെക്കന്‍ഡറി സ്‌കൂളില്‍ നടക്കും. 48 യൂനിറ്റില്‍ നിന്നായി 96 വളണ്ടിയര്‍മാര്‍ പങ്കെടുക്കും. ക്യാംപ് പി.ബി അബ്ദുല്‍ റസാഖ് എം.എല്‍.എ ഉദ്ഘാടനം ചെയ്യും.  പഞ്ചായത്ത് പ്രസിഡന്റ് രൂപവാണി ഭട്ട് അധ്യക്ഷയാകും. നിര്‍മല്‍ കാടകം, കെ മനോജ് കുമാര്‍, കെ മുഹമ്മദ് ഷെരിഫ്, ഷാഹുല്‍ ഹമീദ് ക്ലാസെടുക്കും. 13ന് ഉദയന്‍ കുണ്ടംകുഴിയുടെ നാടന്‍ പാട്ടോടെ ക്യാംപിന് സമാപനമാകും.
വാര്‍ത്താസമ്മേളനത്തില്‍ എന്‍.എസ്.എസ് പ്രോഗ്രാം ഓഫിസര്‍ പി രതീഷ് കുമാര്‍, വി ഹരിദാസ്, ബി.എസ് ഗംഭീര്‍, കെ വിനോദ് കുമാര്‍, ഐ.കെ വാസുദേവന്‍ സംബന്ധിച്ചു.

ജംഇയ്യത്തുല്‍ മുഅല്ലിമീന്‍ ജില്ലാ സെക്രട്ടറിയേറ്റ് 12ന്

കാസര്‍കോട്: സമസ്ത കേരള ജംഇയ്യത്തുല്‍ മുഅല്ലിമീന്‍ ജില്ലാ സെക്രട്ടറിയേറ്റ് യോഗം 12 നു രാവിലെ 10.30 നു ചെര്‍ക്കള ജില്ലാ ഓഫിസില്‍ ചേരും. ബന്ധപ്പെട്ടവര്‍ കൃത്യസമയത്തു സംബന്ധിക്കണമെന്നു ജില്ലാ ജനറല്‍ സെക്രട്ടറി അബൂബക്കര്‍ സാലുദ് നിസാമി ചെര്‍ക്കള അറിയിച്ചു.