അന്തിക്കാട്: മുറ്റിച്ചൂര്‍ ശ്രീ അയ്യപ്പന്‍കാവ് ക്ഷേത്ര കുളത്തിലെ മത്സ്യങ്ങള്‍ ചത്തുപൊങ്ങി. രാവിലെ ക്ഷേത്ര കുളത്തില്‍ കുളിക്കാനെത്തിയ നാട്ടുകാരാണ് മത്സ്യങ്ങള്‍ ചത്ത് പൊന്തി കിടക്കുന്നത് കണ്ടത്. കൊഞ്ച് ഉള്‍പ്പെടെയുള്ള ചെറു ചെമ്മീനും മറ്റ് മത്സ്യങ്ങളും ചത്ത് പൊന്തി. സംഭവം അറിഞ്ഞ് അന്തിക്കാട് ഗ്രാമപഞ്ചായത്ത് പ്രസിഡന്റ് കെ.എം കിഷോര്‍ കുമാര്‍, പഞ്ചായത്ത് മെമ്പര്‍ എ.ബി ബാബു എന്നിവരും ക്ഷേത്ര ഉപദേശക സമിതി ഭാരവാഹികളും സ്ഥലത്ത് എത്തിയിരുന്നു. മീനുകള്‍ ചത്ത് പൊന്താനുള്ള കാരണം ഇനിയും വ്യക്തമായിട്ടില്ല. കുളത്തിലെ ജലത്തിന്റെ സാംബിള്‍ പരിശോധനക്ക് അയച്ചിട്ടുണ്ട്. സാമൂഹ്യ വിരുദ്ധര്‍ നഞ്ച് കലക്കി മീന്‍ പിടിച്ചതാണോ എന്നും സംശയമുണ്ട്.