തിരുവനന്തപുരം: നിയമസഭാ തെരഞ്ഞെടുപ്പില്‍ യു.ഡി.എഫ് ഉറപ്പായിട്ടും ജയിക്കുമെന്നും ഭരണത്തുടര്‍ച്ചയുണ്ടാവുമെന്നും മുഖ്യമന്ത്രി ഉമ്മന്‍ചാണ്ടി.എത്ര സീറ്റെന്നു ഇപ്പോള്‍ പറയുന്നില്ലെന്നും മുഖ്യമന്ത്രി മാധ്യമങ്ങളോട് പറഞ്ഞു.

എക്‌സിറ്റ് പോളിന്റെ കൗണ്ടിംങ് അല്ല നാളെ നടക്കുന്നത്. നാളെ നടക്കുന്ന കൗണ്ടിംഗില്‍ യു.ഡി.എഫ് ജയിക്കും.ബി.ജെ.പി അക്കൗണ്ട് തുറക്കുമോ എന്ന ചോദ്യത്തിന് കേരളത്തിന്റെ മനസ് ബി.ജെ.പിയോടൊപ്പമല്ലെന്നും ഇപ്രാവശ്യവും ബി.ജെ.പി അക്കൗണ്ട് തുറക്കില്ലെന്നും അദ്ദേഹം പറഞ്ഞു. അടുത്ത മുഖ്യമന്ത്രി ആരെന്ന് ഹൈക്കമാന്‍ഡ് തീരുമാനിക്കും.നാളെ വോട്ടെണ്ണുന്നതു വരെയുള്ള മുഖ്യമന്ത്രിയാണ് താനെന്നും അദ്ദേഹം പറഞ്ഞു. സി.എന്‍ ബാലകൃഷ്ണന്റേത് വ്യക്തിപരമായ അഭിപ്രായമാണെന്നും. നിലവിലെ മന്ത്രിമാര്‍ മുഴുവന്‍ ജയിക്കുമെന്നും മുഖ്യമന്ത്രി പറഞ്ഞു.