ഇരിക്കൂര്‍: കഴിഞ്ഞ ശനിയാഴ്ച സൗദിയിലെ ബുറൈദയില്‍ ഷോക്കേറ്റു മരിച്ച ഇരിക്കൂര്‍ തട്ടുപറമ്പിലെ പള്ളിക്കല്‍ വീട്ടില്‍ മുഹമ്മദ് സ്വാലിഹിന്റെ ഖബറടക്കം ഇന്ന് ബുറൈദയില്‍ നടക്കും. താമസസ്ഥലത്തെ കുളിമുറിയില്‍ വച്ചായിരുന്നു ഷോക്കേറ്റു മരിച്ചത്. സഹപ്രവര്‍ത്തകരും ബന്ധുക്കളും ഫോണില്‍ നിരവധി തവണ വിളിച്ചിട്ടും മറുപടി ലഭിക്കാത്തതിനെ തുടര്‍ന്ന് നടത്തിയ അന്വേഷണത്തിലാണ് മരിച്ച നിലയില്‍ കണ്ടത്. മൃതദേഹം ബുറൈദ സെന്റല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.അബ്ദുല്ല-ആയിശ ദമ്പതികളുടെ മകനാണ്. ഭാര്യ: മുനീറ. മകന്‍: മാസിന്‍ മുഹമ്മദ്.