ബന്തിയോട്: ഭിക്ഷാടത്തിനെത്തിയ സ്ത്രീ വീട്ടമ്മയെ തള്ളിയിട്ട് ആറുപവന്‍ സ്വര്‍ണവും പണവുമടങ്ങിയ ബാഗുമായി കടന്നുകളഞ്ഞതായി പരാതി. ബന്തിയോടിനു സമീപം പെരിങ്കടയിലെ ഫാറൂഖിന്റെ വീട്ടില്‍ കഴിഞ്ഞ ദിവസം വൈകുന്നേരമാണു സംഭവം. 35 വയസ് തോന്നിക്കുന്ന തമിഴ് നാടോടി സ്ത്രീയാണു കവര്‍ച്ച നടത്തി രക്ഷപ്പെട്ടത്. വീട്ടിലെത്തിയ സ്ത്രീ ഫാറൂഖിന്റെ മാതാവ് മറിയുമ്മയോട് വെള്ളം ആവശ്യപ്പെട്ടു.
തുടര്‍ന്നു വീട്ടമ്മ അകത്തേക്കുപോയ തക്കത്തില്‍ മുറിയില്‍ സൂക്ഷിച്ചിരുന്ന ബാഗു കൈക്കലാക്കിയെന്നും ഇതുകണ്ട് ഒച്ചവക്കുന്നതിനിടേ സ്ത്രീ അവരെ തള്ളിയിട്ടുവെന്നാണു പരാതിയില്‍ പറയുന്നത്.
വീട്ടുകാര്‍ കുമ്പള പൊലിസില്‍ പരാതി നല്‍കി.