സൂസംപാടി: അജ്ഞാത വാഹനമിടിച്ച് പൂച്ചപ്പുലി ചത്തു. പാട്ടവയല്‍-ദേവര്‍ഷോല റൂട്ടില്‍ സൂസംപാടിക്ക് സമീപത്താണ് പൂച്ചപ്പുലിയെ ചത്തനിലയില്‍ കണ്ടെത്തിയത്. രാവിലെ 7.30ഓടെ ഇതുവഴി വന്ന യാത്രക്കാരാണ് പൂച്ചപ്പുലിയെ ആദ്യം കണ്ടത്. തുടര്‍ന്ന് ഇവര്‍ വിവരമറിയിച്ചതിനെ തുടര്‍ന്ന് ബിദര്‍ക്കാട് റെയ്ഞ്ചര്‍ മനോഹരന്റെ നേതൃത്വത്തിലുള്ള വനപാലക സംഘം സ്ഥലത്തെത്തി തുടര്‍ നടപടികള്‍ സ്വീകരിച്ചു. വാഹനമിടിച്ചാണ് പൂച്ചപ്പുലി ചത്തതെന്ന നിഗമനത്തിലാണ് വനംവകുപ്പ്. ഇതുമായി ബന്ധപ്പെട്ട് അന്വേഷണം ആരംഭിച്ചതായി റെയ്ഞ്ചര്‍ മനോഹരന്‍ പറഞ്ഞു.