കല്‍പ്പറ്റ: നവംബര്‍ 22ന് കല്‍പ്പറ്റയില്‍ നടക്കുന്ന ശരീഅത്ത് സംരക്ഷണ റാലിയുടെയും പൊതു സമ്മേളനത്തിന്റെയും അന്തിമ രൂപങ്ങള്‍ ചര്‍ച്ച ചെയ്യുന്നതിന് സമസ്ത ജില്ലാ കോഡിനേഷന്‍ കമ്മിറ്റിയുടെയും റെയ്ഞ്ച് പ്രസിഡന്റ്, സെക്രട്ടറിമാരുടെയും യോഗം ഇന്ന് ഉച്ചക്ക് 2.30ന് കല്‍പ്പറ്റ സമസ്താലയത്തില്‍ ചേരുമെന്ന് ചെയര്‍മാന്‍ പിണങ്ങോട് അബൂബക്കര്‍ അറിയിച്ചു.

ഏഴ് ആടുകളെ പുലി കടിച്ചു കൊന്നു

ഗൂഡല്ലൂര്‍: ഓവാലി പഞ്ചായത്തിലെ സീഫോര്‍ത്തില്‍ ഏഴ് ആടുകളെ പുലി കടിച്ചുകൊന്നു. സീഫോര്‍ത്ത് രണ്ടാം ഡിവിഷന്‍ സ്വദേശി ശിവലിംഗത്തിന്റെ ആടുകളെയാണ് പുലി കടിച്ചുകൊന്നത്. വീടിന് സമീപത്തെ കൂട്ടില്‍ നിന്നാണ് ആടുകളെ പുലി ആക്രമിച്ചത്. കഴിഞ്ഞ ദിവസം രാത്രിയിലാണ് സംഭവം. ആറ് ആടുകളെ കൊലപ്പെടുത്തിയ ശേഷം കൂട്ടില്‍ തന്നെ ഉപേക്ഷിക്കുകയും ഒരു ആടിനെ തൂക്കിയെടുത്ത് കൊണ്ടുപോകുകയും ചെയ്യുകയായിരുന്നു. ഓവാലി ഫോറസ്റ്റര്‍ ശിവപ്രകാശത്തിന്റെ നേതൃത്വത്തിലുള്ള വനപാലക സംഘം സ്ഥലത്തെത്തി പരിശോധന നടത്തി. മതിയായ നഷ്ടപരിഹാരം നല്‍കണമെന്ന് ഇയാള്‍ വനംവകുപ്പിനോട് ആവശ്യപ്പെട്ടിട്ടുണ്ട്.