കോഴിക്കോട്: നോട്ടുകളുടെ ദൗര്‍ലഭ്യം കച്ചവടത്തെ ബാധിച്ചതിനാല്‍ 15 മുതല്‍ അനിശ്ചിത കാലത്തേക്ക് കടകള്‍ അടച്ചിടുമെന്ന് വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ് ടി. നസറുദ്ദീന്‍.
നോട്ടുകള്‍ക്ക് ക്ഷാമം അനുഭവപ്പെട്ടതോടെ സംസ്ഥാനത്തെ വാണിജ്യമേഖല സ്തംഭിച്ചിരിക്കുകയാണ്. ചെറുകിട വ്യാപാരികളുടെ വിപണനം കുത്തനെ കുറഞ്ഞു.
സാധനങ്ങള്‍ വാങ്ങുന്നവര്‍ക്ക് തിരികെനല്‍കാന്‍ ചില്ലറയില്ലാതെ കച്ചവടക്കാര്‍ നെട്ടോട്ടമോടുകയാണ്. ഈ സാഹചര്യത്തിലാണ് അനിശ്ചിതകാല സമരത്തിലേക്ക് നീങ്ങുന്നതെന്നും അദ്ദേഹം പറഞ്ഞു.