കോഴിക്കോട്: സമസ്ത കേരള മദ്‌റസാ മാനേജ്‌മെന്റ് അസോസിയേഷന്‍ കോഴിക്കോട് മേഖലാ കമ്മിറ്റി നടത്തുന്ന നഴ്‌സറി കലോത്സവം ഡിസംബര്‍ 18ന് രാവിലെ എട്ടുമുതല്‍ ചെറുവാടി ഗവ. ഹൈസ്‌കൂളില്‍ നടത്താന്‍ തീരുമാനിച്ചു. മേഖലയിലെ 18 റെയ്ഞ്ചുകളിലെ മദ്‌റസകളില്‍ സമസ്തക്കു കീഴില്‍ പ്രവര്‍ത്തിച്ചുവരുന്ന നഴ്‌സറികളിലെ വിദ്യാര്‍ഥികളാണ് മത്സരങ്ങളില്‍ പങ്കെടുക്കുക.
എല്‍.കെ.ജി വിഭാഗം വിദ്യാര്‍ഥികള്‍ 20 ഇനങ്ങളിലും യു.കെ.ജി വിഭാഗം 25 ഇനങ്ങളിലും മാറ്റുരക്കും. ഇതുസംബന്ധിച്ച സര്‍ക്കുലര്‍ റെയ്ഞ്ച് മദ്‌റസാ മാനേജ്‌മെന്റ് കമ്മിറ്റികള്‍ക്ക് അയച്ചിട്ടുണ്ട്. മത്സരാര്‍ഥികളുടെ വിശദവിവരങ്ങളടങ്ങിയ എന്‍ട്രി ഫോം 30നകം മേഖലാ കമ്മിറ്റിയെ ഏല്‍പ്പിക്കണം.