ആലുവ: സമസ്ത ജില്ലാ കോ ഓര്‍ഡിനേഷന്‍ കമ്മിറ്റി തോട്ടുമുഖം എന്‍.കെ ഓഡിറ്റോറിയത്തില്‍ ഡിസംബര്‍ 23ന് സംഘടിപ്പിക്കുന്ന മദ്ഹുര്‍ റസൂല്‍ സംഗമത്തിന്റെയും സ്വലാത്ത് മജ്‌ലിസിന്റെയും പ്രചരണത്തിന്റെ ഭാഗമായി സ്വാഗതസംഘം ഓഫിസ് തുറന്നു. ആലുവ കുട്ടമശ്ശേരി സമസ്ത ജില്ലാ കാര്യാലയത്തില്‍ ആരംഭിച്ച ഓഫിസിന്റെ ഉദ്ഘാടനം മജ്‌ലിസുന്നൂര്‍ ജില്ലാ അമീര്‍ സയ്യിദ് ശറഫുദ്ദീന്‍ തങ്ങള്‍ നിര്‍വഹിച്ചു.
സമസ്ത കേന്ദ്ര മുശാവറ അംഗം ഇ.എസ് ഹസ്സന്‍ ഫൈസി അധ്യക്ഷത വഹിച്ചു. സമസ്ത ജില്ലാ ട്രഷറര്‍ എം.എം ഷംസുദ്ദീന്‍ ഫൈസി, സ്വാഗതസംഘം ജനറല്‍ കണ്‍വീനര്‍ അഷറഫ് ഹുദവി, ട്രഷറര്‍ വി.കെ മുഹമ്മദ് ഹാജി, ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് വി.കെ മുഹമ്മദ് ദാരിമി, ജനറല്‍ സെക്രട്ടറി കെ.എച്ച് അബ്ദു സമദ് ദാരിമി, ഖുര്‍ആന്‍ സ്റ്റഡി സെന്റര്‍ പ്രസിഡന്റ് എം.എം അബൂബക്കര്‍ ഫൈസി, ജനറല്‍ സെക്രട്ടറി എം.ബി മുഹമ്മദ് ഹാജി, എസ്.എം.എഫ് ജില്ലാ സെക്രട്ടറി കെ.കെ ഇബ്രാഹിം ഹാജി, മദ്‌റസ മാനേജ്‌മെന്റ് അസോസിയേഷന്‍ ജില്ലാ ജനറല്‍ സെക്രട്ടറി സിയാദ് ചെമ്പറക്കി, സ്വാഗതസംഘം ഭാരവാഹികളായ സി.എം അബ്ദുള്ള ഫൈസി, കെ.എം ബഷീര്‍ ഫൈസി, ബുഖാരി ഫൈസി കണിയാപുരം, ജഅ്ഫര്‍ വാഫി, യൂസഫ് ഹാജി, ജലീല്‍ ആര്‍ട്ട്‌മെന്‍, കബീര്‍ മുട്ടം എന്നിവര്‍ പ്രസംഗിച്ചു.