മുംബൈ: ഉത്തര്‍പ്രദേശ് തിരഞ്ഞെടുപ്പില്‍ ബിഎസ്പി നേതാവും മുന്‍ മുഖ്യമന്ത്രിയുമായ മായാവതിക്കെതിരെ നടിയും നര്‍ത്തകിയുമായ രാഖി സാവന്ത് മല്‍സരിച്ചേക്കുമെന്ന് റിപ്പോര്‍ട്ട്. കേന്ദ്രമന്ത്രിയും റിപ്പബ്ലിക്കന്‍ പാര്‍ട്ടി ഓഫ് ഇന്ത്യ യുടെ മേധാവിയുമായ രാംദാസ് അത്താവാലെയാണ് ഇക്കാര്യം അറിയിച്ചത്.

അതേസമയം, അത്താവാലെ തന്റെ പിതാവിനെപ്പോലെയാണെന്നും അദ്ദേഹം എന്തു തീരുമാനമെടുത്താലും അനുസരിക്കാന്‍ തയാറാണെന്നും രാഖി സാവന്ത് അറിയിച്ചു. നിലവില്‍ പാര്‍ട്ടിയുടെ വനിതാ വിഭാഗം പ്രസിഡന്റാണ് രാഖി സാവന്ത്.

പ്രധാനമന്ത്രി നരേന്ദ്ര മോദിയില്‍ തനിക്കു പൂര്‍ണ വിശ്വാസമുണ്ട്. കേന്ദ്രമന്ത്രിസഭയില്‍ അത്തേവാലെയെ ഉള്‍പ്പെടുത്തിയത് അദ്ദേഹമാണ്. കേന്ദ്രത്തില്‍ ഞങ്ങള്‍ സഖ്യകക്ഷികളാണ്. അതിനാല്‍തന്നെ ഇരുപാര്‍ട്ടികളും യുപിയില്‍ ഒരുമിച്ചുനിന്നു പ്രവര്‍ത്തിക്കുമെന്നും രാഖി അറിയിച്ചു.