നെടുമ്പാശ്ശേരി: പറന്നുയരാന്‍ ശ്രമിക്കുന്നതിനിടെ യന്ത്രതകരാര്‍ ശ്രദ്ധയില്‍പ്പെട്ടതിനെ തുടര്‍ന്ന് വിമാനം തിരിച്ചിറക്കി. ഇന്നലെ ഉച്ചയ്ക്ക് 1.30 ന് നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ നിന്നും മുംബൈ വഴി അഹമ്മദാബാദിലേക്ക് പുറപ്പെട്ട ഇന്‍ഡിഗോ എയര്‍ വിമാനമാണ് തിരിച്ചിറക്കിയത്.
വിമാനം ടെയ്ക്ക് ഓഫ് ചെയ്യാന്‍ റണ്‍വെയിലൂടെ നീങ്ങുന്നതിനിടെ സാങ്കേതിക തകരാര്‍ പൈലറ്റിന്റെ ശ്രദ്ധയില്‍പ്പെടുകയായിരുന്നു. തുടര്‍ന്ന് ഈ വിമാനം യാത്ര റദ്ദാക്കി.