ആലപ്പുഴ :ഈ വര്‍ഷത്തെ ഭിന്നശേഷിക്കാര്‍ക്കുള്ള അന്തര്‍ദ്ദേശീയ ദിനാഘോഷം ഡിസംബര്‍ മൂന്ന് ശനിയാഴ്ച ഗവണ്‍മെന്റ് ഗേള്‍സ് ഹൈസ്‌കൂളില്‍ ആഘോഷിക്കുന്നു. ഇതു സംബന്ധിച്ച് എം.ഡി.എം. എം.കെ.കബീറിന്റെ അധ്യക്ഷതയില്‍ കളക്ടറേറ്റില്‍ യോഗം ചേര്‍ന്നു.
അംഗപരിമിതര്‍ക്കായി ജൂനിയര്‍, സീനിയര്‍ വിഭാഗങ്ങളിലായി കലാമത്സരങ്ങള്‍ സംഘടിപ്പിക്കും. ബുദ്ധിവൈകല്യമുള്ളവര്‍ക്കായി ലളിതഗാനം, ചലച്ചിത്രഗാനം, സംഘഗാനം (നാടന്‍ പാട്ട്), പെയിന്റിങ്, ഫാന്‍സിഡ്രസ്സ്, സിനിമാറ്റിക് ഡാന്‍സ് (ഗ്രൂപ്പ്) മത്സരങ്ങള്‍ നടത്തും. ചലനവൈകല്യമുള്ളവര്‍ ലളിതഗാനം, ചലച്ചിതഗാനം, പെന്‍സില്‍ ഡ്രോയിങ് എന്നിവ സംഘടിപ്പിക്കും. കാഴ്ചവൈകല്യമുള്ളവര്‍ക്കായി ലളിതഗാനം, ചലച്ചിത്രഗാനം എന്നിവയും സംസാരവൈകല്യമുള്ളവര്‍ക്കായി പെന്‍സില്‍ ഡ്രോയിങും നടത്തും. മത്സരങ്ങളില്‍ പങ്കെടുക്കുവാന്‍ താല്‍പര്യമുള്ളവര്‍ നവംബര്‍ 24ന് വൈകുന്നരം നാലിന് മുമ്പായി ജില്ലാ സാമൂഹികനീതി ഓഫീസില്‍ പേര് രജിസ്റ്റര്‍ ചെയ്യണം. വിശദവിവരത്തിന് ഫോണ്‍: 0477 2253870.