ഗോണിക്കുപ്പ: മലയാളി അധ്യാപികയെ കൊലപ്പെടുത്തിയ യുവാവിനെ പൊലിസ് അറസ്റ്റ് ചെയ്തു. ശ്രീമംഗലക്കടുത്ത വെസ്റ്റ് നെമ്മല്‍ ഗ്രാമത്തില്‍ കുമാരന്റെ മകള്‍ പ്രമീളയാ(33)ണ് കൊല്ലപ്പെട്ടത്. കഴിഞ്ഞ ദിവസം വൈകിട്ടാണ് സംഭവം. ആദിവാസിയായ ഹരീഷാ(19)ണ് പൊലിസ് പിടിയിലായത്.നെമ്മലെ ഗ്രാമത്തിലെ സര്‍ക്കാര്‍ പ്രാഥമിക വിദ്യാലയത്തില്‍ അധ്യാപികയാണ് പ്രമീള.
ഷെട്ടിഗേരി സ്‌കൂളില്‍ പഠിക്കുന്ന തന്റെ രണ്ടുമക്കളെ കൊണ്ടുവരുന്നതിനായി പോവുകയായിരുന്ന ഇവരെ വഴിയിലെ കാപ്പിതോട്ടത്തില്‍ പതുങ്ങിയിരുന്ന ഹരീഷ് പിടികൂടി തോട്ടത്തിലേക്ക് വലിച്ചു കൊണ്ടുപോവുകയായിരുന്നു. കുതറി ഓടാന്‍ ശ്രമിച്ച പ്രമീളയെ യുവാവ് ക്രൂരമായി മര്‍ദ്ദിക്കുകയും മരകഷ്ണം കൊണ്ട് തലയ്ക്കടിക്കുകയും ചെയ്തു. ബഹളം കേട്ടെത്തിയ നാട്ടുകാര്‍ ഇവരെ ഗോണികുപ്പ ആശുപത്രിയിലെത്തിച്ചുവെങ്കിലും രക്ഷിക്കാനായില്ല