തൊടുപുഴ: 63-ാമത് അഖിലേന്ത്യാ സഹകരണ വാരാഘോഷത്തിന്റെ തൊടുപുഴ താലൂക്ക്തല ഉദ്ഘാടാനം ജില്ലാ പഞ്ചായത്ത് വൈസ് പ്രസിഡന്റ് മാത്യു ജോണ്‍ ഉദ്ഘാടനം ചെയ്തു.
തൊടുപുഴ അര്‍ബന്‍ ബാങ്ക് ഹാളില്‍ നടന്ന ചടങ്ങില്‍ അര്‍ബന്‍ ബാങ്ക് ചെയര്‍മാന്‍ എ രാധാകൃഷ്ണന്‍ അധ്യക്ഷനായി. ഇതോടനുബന്ധിച്ച് 'വിദ്യാഭ്യാസവും പരിശീലനവും വഴി സഹകരണ സ്ഥാപനങ്ങളുടെ ശാക്തീകരണം' എന്ന വിഷയത്തില്‍ നടന്ന സെമിനാറില്‍ ജോയി ഫ്രാന്‍സിസ് വിഷയാവതരണം നടത്തി.
വി.വി മത്തായി, പ്രൊഫ. കെ.ഐ ആന്റണി, കെ ദീപക്, പി.ജെ ജയിംസ്, വി.എ ജോസഫ്, സഹകരണ ഓഡിറ്റ് ജോയിന്റ് ഡയറക്ടര്‍ കെ.എ ഹമീദ് എന്നിവര്‍ സംസാരിച്ചു.
ജേക്കബ് മാത്യു സ്വാഗതവും ജി പുരുഷോത്തമന്‍ നന്ദിയും പറഞ്ഞു.