ലിമ: പെറുവിന്റെ തലസ്ഥാനമായ ലിമയിലെ പ്രശസ്തമായ ഷോപ്പിങ് സെന്ററിലുണ്ടായ തീപിടുത്തത്തില്‍ അഞ്ച് പേര്‍ മരിച്ചു. ഷോപ്പിംഗ് മാളിലെ തിയേറ്ററിനുള്ളിലാണു തീപിടിത്തമുണ്ടായത്. തീപിടുത്തമുണ്ടാകാനുള്ള കാരണം വ്യക്തമല്ല. ഷോര്‍ട്ട് സര്‍ക്യൂട്ട് ആണെന്നാണ് സംശയിക്കുന്നത്.

ഏഷ്യ–പസഫിക് വ്യാപാര ഉച്ചകോടിയില്‍ പങ്കെടുക്കാന്‍ എത്തുന്ന ലോക നേതാക്കള്‍ക്ക് താമസം ഒരുക്കിയിരുന്ന ഹോട്ടലിനു സമീപമാണ് തീപിടിത്തം ഉണ്ടായത്. യുഎസ്, ജപ്പാന്‍, ചൈന, റഷ്യ തുടങ്ങിയ രാജ്യങ്ങളിലെ പ്രസിഡന്റുമാര്‍ ഉച്ചകോടിയില്‍ പങ്കെടുക്കാനെത്തും.