ഹരാരെ: ത്രിരാഷ്ട്ര ക്രിക്കറ്റ് പരമ്പരയില്‍ ശ്രീലങ്കക്കെതിരേ വെസ്റ്റിന്‍ഡീസിനു 62 റണ്‍സ് വിജയം. ആദ്യം ബാറ്റു ചെയ്ത വിന്‍ഡീസ് 49.2 ഓവറില്‍ 227 റണ്‍സിനു പുറത്തായപ്പോള്‍ ശ്രീലങ്കയുടെ പോരാട്ടം 43.1 ഓവറില്‍ 165 റണ്‍സില്‍ അവസാനിപ്പിച്ചാണ് വിന്‍ഡീസ് വിജയം പിടിച്ചത്.
 മൂന്നു വീതം വിക്കറ്റെടുത്ത ഗബ്രിയേല്‍, നഴ്‌സ് എന്നിവരുടെ ബൗളിങാണ് കരീബിയന്‍ ടീമിനു വിജയമൊരുക്കിയത്. എട്ടോവറില്‍ 16 റണ്‍സ് വഴങ്ങി രണ്ടു വിക്കറ്റെടുത്ത നായകന്‍ ഹോള്‍ഡറാണ് കളിയിലെ കേമന്‍.
ശ്രീലങ്കക്കായി പതിരന 45 റണ്‍സെടുത്തു. നേരത്തെ വിന്‍ഡീസിനായി കാര്‍ടര്‍ 54 റണ്‍സെടുത്തു ടോപ് സ്‌കോററായി.  ആദ്യ മത്സരത്തില്‍ ശ്രീലങ്ക സിംബാബ്‌വയെ കീഴടക്കിയിരുന്നു.