കോഴിക്കോട്: പൈതൃക ബോധം അടയാളപ്പെടുത്തുക എന്ന പ്രമേയത്തില്‍ എസ്.കെ.എസ്.എസ്.എഫ് ത്വലബാ വിങ് സംഘടിപ്പിക്കുന്ന പൈതൃക സെമിനാറുകള്‍ക്ക് തുടക്കമായി. പ്രഥമ സെമിനാര്‍ സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ ആദ്യ മദ്‌റസയായ പുതുപ്പറമ്പ് ബയാനുല്‍ ഇസ്‌ലാം മദ്‌റസയില്‍ നടന്നു.
സയ്യിദ് ഫക്രുദ്ദീന്‍ തങ്ങള്‍ ഉദ്ഘാടനം ചെയ്തു. സുന്നി യുവജന സംഘം സംസ്ഥാന സെക്രട്ടറി അബ്ദുല്‍ ഹമീദ് ഫൈസി അമ്പലക്കടവ് മുഖ്യപ്രഭാഷണം നടത്തി.പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ, ബാപ്പു ഫൈസി, ശഹീര്‍ അന്‍വരി പുറങ്ങ്, ഹനീഫ് പുതുപ്പറമ്പ്, സി.പി ബാസിത് ഹുദവി തിരൂര്‍, മുജ്തബ ആനക്കര, ഹക്കീം പുതുപ്പറമ്പ് തുടങ്ങിയവര്‍ പ്രസംഗിച്ചു.