വള്ളിക്കുന്ന് : എ.ഡബ്ല്യു.എച്ച് ന് കീഴിലുള്ള വള്ളിക്കുന്നിലെ ഭിന്നശേഷിയുള്ള കുട്ടികള്‍ക്കായുള്ള സ്‌പെഷ്യല്‍ സ്‌കൂള്‍ പരിസരം എക്‌സൈസുകാര്‍ കാടുവെട്ടിത്തെളിച്ച് വൃത്തിയാക്കി.
പരപ്പനങ്ങാടി എക്‌സൈസ് റെയിഞ്ച്, തിരുരങ്ങാടി എക്‌സൈസ് സര്‍ക്കിള്‍ ഓഫിസിലെയും ജീവനക്കാരാണ് ശുചീകരണ പ്രവര്‍ത്തനം നടത്തിയത്. ചടങ്ങിന്റെ ഉദ്ഘാടനം എക്‌സൈസ് സ്റ്റാഫ് അസോസിയേഷന്‍ ജില്ലാ പ്രസിഡന്റ് കെ പ്രദീപ് കുമാര്‍ നിര്‍വഹിച്ചു.
ചടങ്ങില്‍ ഹെഡ്മിസ്ട്രസ് സത്യഭാമ, സര്‍ക്കിള്‍ ഇന്‍സ്‌പെക്ടര്‍ എം രാകേഷ് എന്നിവര്‍ സംസാരിച്ചു.ശുചീകരണ പ്രവര്‍ത്തനത്തിന് വി.പി ഭാസ്‌കരന്‍ ,സുരേന്ദ്രന്‍, വി.കെ.സൂരജ്, സുര്‍ജിത് എന്നിവര്‍ നേതൃത്യം നല്‍കി