കൊല്ലങ്കോട്: വടവന്നൂര്‍ പൊക്കുന്നി തങ്കയം കരിപ്പാലി ജുമ്മാ മസ്ജിദിന് മുന്നില്‍ പ്രവര്‍ത്തിക്കുന്ന സുലൈമാന്റെ ചായക്കട ഇന്നലെ ഉച്ചക്ക് രണ്ടു മണിയോടെ കത്തിനശിച്ചു. ചായക്കടയുടെ മുകളിലുടെ പോകുന്ന കെ.എസ്.ഇ.ബിയുടെ ലൈനില്‍ നിന്നും ഷോട്ട് സര്‍ക്കൂട്ട് മൂലമുണ്ടായ തീ പൊരികള്‍ വീണതാണ് കത്തി നശിക്കാന്‍ കാരണമെന്ന് സുലൈമാന്‍ പറഞ്ഞു. ഓല മറച്ച് ഷീറ്റ് മേഞ്ഞ പുര പൂര്‍ണമായും നശിച്ചു. തങ്കയം അബ്ദുള്‍ വഹാബ് രാവുത്തര്‍ മകന്‍ കാജാ ചായക്കടയുടെ പരിസരത്ത് നിര്‍ത്തിയിട്ട സ്‌കൂട്ടി ഇരുചക്രവാഹനം അഗ്‌നിക്കിരയായി. മൂന്നു ലക്ഷം രൂപ യുടെ നാശനഷ്ടമുണ്ടായതായി പറയുന്നു. സമയോജിതമായി നാട്ടുകാര്‍ ഇടപെടുംചിറ്റൂര്‍ അഗ്‌നിശമന വിഭാഗം എത്തിയും തീ നിയന്ത്രണ വിധയമാക്കിയതോടെ അടുത്ത വീടുകളിലേക്ക് തീ പടരാതെ രക്ഷപ്പെട്ടു.