കൊല്ലം: ലയന്‍സ് ക്ലബ് ഓഫ് കൊല്ലം ഗ്രേറ്ററിന്റെയും കൊല്ലം നാടാര്‍സംഘത്തിന്റെയും തിരുനല്‍വേലി അരവിന്ദ് കണ്ണാശുപത്രിയുടെയും സംയുക്താഭിമുഖ്യത്തില്‍ ബീച്ച്‌റോഡ് നാടാര്‍സംഘം ഹാളില്‍ 20ന് സൗജന്യ നേത്രചികില്‍സാ ക്യാംപും ശസ്ത്രക്രിയയും നടത്തും. രാവിലെ 8ന് എം മുകേഷ് എം.എല്‍.എ ഉദ്ഘാടനം ചെയ്യും. ആധുനിക രീതിയിലുള്ള ഐ.ഒ.എല്‍ ലെന്‍സ് ഉപയോഗിച്ചുള്ള താക്കോല്‍ദ്വാര ശസ്ത്രക്രിയ സൗജന്യമായിരിക്കും. ശസ്ത്രക്രിയ ആവശ്യമായി വരുന്നവര്‍ക്കു സൗജന്യമായി തിരുനല്‍വേലിയില്‍ എത്തിച്ചു ശസ്ത്രക്രിയ നടത്തുമെന്നു സംഘാടകരായ ആര്‍ വിജയരാജന്‍,വി ഗോപാലകൃഷ്ണന്‍,കെ.എസ് മനോജ്കുമാര്‍,ടി മുജീബ്,പി.ടി എബ്രഹാം എന്നിവര്‍ വാര്‍ത്താസമ്മേളനത്തില്‍ അറിയിച്ചു.