കാക്കനാട്: കലക്ടറേറ്റിന് സമീപത്തെ സ്റ്റാന്റിലെ ഓട്ടോറിക്ഷകള്‍ ചെറിയ ഓട്ടം പോകുന്നില്ലെന്ന് ആരോപണം. വണ്ടിയില്‍ കയറിയശേഷം ഓട്ടം ചെറുതാണെങ്കില്‍ ഇറക്കിവിടും. ഇത്തരം പരാതികള്‍ ഏറുമ്പോള്‍ മോട്ടോര്‍ വാഹനവകുപ്പ് ഡ്രൈവര്‍മാരെ വിളിച്ചുവരുത്തി താക്കീത് ചെയ്തു വിടും. എന്നാല്‍ രണ്ടു ദിവസം കഴിഞ്ഞാല്‍ വീണ്ടും പഴയെ പടി തന്നെ.
കലക്ടറേറ്റിന് തെക്കു ഭാഗത്ത് കാക്കനാട്ഇന്‍ഫോപാര്‍ക്ക് റോഡിനു സമീപത്തെ ഓട്ടോ സ്റ്റാന്റിലെ ഡ്രൈവര്‍മാരാണു ചെറിയ ഓട്ടങ്ങള്‍ അവഗണിക്കുന്നുവെന്ന് വ്യാപക പരാതി. ഫലത്തില്‍ വിഷമവൃത്തിലായിരിക്കുന്നതു യാത്രക്കാരാണ്.
കഴിഞ്ഞ ദിവസം രാത്രി ശാന്തിനഗര്‍ ഭാഗത്തേക്ക് ഒരു യുവതി ഈ സ്റ്റാന്റില്‍ നിന്ന് ഓട്ടോ വിളിച്ചെങ്കിലും ചെന്നില്ല. ഈ മേഖലയിലേക്കുള്ള റോഡ് തകര്‍ന്നിരിക്കുന്നതിനാല്‍ ഓട്ടോ പോകില്ലെന്ന മറുപടിയാണു ഡ്രൈവര്‍ നല്‍കിയത്. ചെറിയ ഓട്ടം റോഡിന്റെ പ്രശ്‌നം പറഞ്ഞ് ഇവര്‍ വരാതിരിക്കുകയാണെന്നാണു യാത്രക്കാരുടെ പരാതി.
എന്നാല്‍ ചില ഡ്രൈവര്‍ ചെറിയ ഓട്ടം പോകാന്‍ മടികാണിക്കാറുമില്ല.