മലപ്പുറം: കറന്‍സി ക്ഷാമ വിഷയത്തില്‍ പ്രതിഷേധിച്ചു കര്‍ഷക കോണ്‍ഗ്രസ് ജില്ലാ കമ്മറ്റിയുടെ നേതൃത്വത്തില്‍ മലപ്പുറം ദൂരദര്‍ശന്‍ കേന്ദ്രത്തിലേക്കു വിലാപയാത്ര നടത്തി. കലക്ടറേറ്റിനു മുന്നില്‍ റീത്ത് സമര്‍പ്പിക്കുകയും ചെയ്തു.സംസ്ഥാന ജനറല്‍ സെക്രട്ടറി കെ.പി.എസ് ആബിദ് തങ്ങള്‍ ഉദ്ഘാടനം ചെയ്തു. വേങ്ങര ഗോപി അധ്യക്ഷനായി. എ.പി രാജന്‍, അബ്ബാസ് അലി, പി.കെ അബ്ദുല്‍ അസീസ്, എന്‍.പി ഉണ്ണി, പി.പി റഷീദ്, കെ.ടി സിദ്ദീഖ്, ആസാദ് ബംഗാളത്ത് സംസാരിച്ചു.