കൊച്ചി: നോര്‍ത്ത് ബ്ലോക്ക് കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ മണപ്പാട്ടിപറമ്പില്‍ നിന്നു കലൂര്‍ റിസര്‍വ് ബാങ്കിലേക്ക് പ്രതിഷേധ മാര്‍ച്ച് നടത്തി. പ്രവര്‍ത്തിക്കാത്ത എ.ടി.എമ്മുകള്‍ക്ക് പ്രതീകാത്മകമായി ആദരാഞ്ജലി അര്‍പ്പിച്ചു റീത്തു സമര്‍പ്പിച്ചാണ് ഹൈബി ഈഡന്‍ എം.എല്‍.എ മാര്‍ച്ച് ഉദ്ഘാടനം ചെയ്തത്.
ബ്ലോക്ക് പ്രസിഡന്റ് ഹെന്റി ഓസ്റ്റിന്‍ അധ്യക്ഷത വഹിച്ചു. മുന്‍ എം.എല്‍.എ ലൂഡി ലൂയീസ്, ഡി.സി.സി സെക്രട്ടറി എം.ആര്‍. അഭിലാഷ്, യൂത്ത് കോണ്‍ഗ്രസ് ബ്ലോക്ക് പ്രസിഡന്റ് മനു ജേക്കബ്, ബ്ലോക്ക് സെക്രട്ടറി ബെന്നി മനയില്‍ തുടങ്ങിയവര്‍ സംസാരിച്ചു.
കൗണ്‍സിലര്‍മാരായ മാലിനി ബിജു, ദീപക് ജോയി, വി.ആര്‍. സുധീര്‍, ആല്‍ബര്‍ട്ട് അമ്പലത്തിങ്കല്‍, മണ്ഡലം പ്രസിഡന്റുമാരായ കെ.കെ. കുഞ്ഞപ്പന്‍, ആര്‍. രമേശന്‍, സി.ജെ. ജോര്‍ജ്, ബ്ലോക്ക് ഭാരവാഹികളായ സൈഫുദ്ദീന്‍, അജയകുമാര്‍, ബിനോയ് ജോണ്‍, ഉണ്ണിക്കൃഷ്ണന്‍, സലാം കണ്ണമുറി, അജിത്ത് കുമാര്‍, ജോണ്‍സണ്‍ മാളിയേക്കല്‍, ജോസഫ് കട്ടിക്കാരന്‍, യൂനുസ്, തങ്കച്ചന്‍, ഡാനി കൊറയ തടങ്ങിയവര്‍ നേതൃത്വം നല്‍കി. മണ്ഡലം കോണ്‍ഗ്രസ് ഭാരവാഹികള്‍, മഹിളാ കോണ്‍ഗ്രസ് യൂത്ത് കോണ്‍ഗ്രസ്, കെഎസ്യു, മറ്റ് പോഷക സംഘടനാ ഭാരവാഹികള്‍ എന്നിവര്‍ സന്നിഹിതരായിരുന്നു.