മലപ്പുറം: കേരളത്തിലെ മുഴുവന്‍ സര്‍ക്കാര്‍ - എയ്ഡഡ് ഹൈസ്‌കൂള്‍, ഹയര്‍ സെക്കന്‍ഡറി - വൊക്കേഷണല്‍ ഹയര്‍ സെക്കന്‍ഡറി ക്ലാസ് മുറികളും ഐ.ടി ലാബുകളും ഹൈടെക്കാക്കാനുള്ള പ്രവര്‍ത്തനങ്ങള്‍ നടന്നു വരികയാണെന്ന് ഐ.ടി അറ്റ് സ്‌കൂള്‍ എക്‌സിക്യൂട്ടീവ് ഡയറക്ടര്‍ കെ. അന്‍വര്‍ സാദത്ത് പറഞ്ഞു. സിവില്‍ സ്റ്റേഷനിലെ ഐ.ടി അറ്റ് സ്‌കൂള്‍ ഹാളില്‍ സംഘടിപ്പിച്ച ഹൈസ്‌കൂള്‍ - ഹയര്‍സെക്കന്‍ഡറി ഐ.ടി കോഡിനേറ്റര്‍മാരുടെ ശില്‍പശാലയില്‍ വീഡിയോ പ്രഭാഷണം നടത്തുകയായിരുന്നു അദ്ദേഹം. ജില്ലാ പഞ്ചായത്ത് വൈസ് പ്രസിഡന്റ് സക്കീന പുല്‍പ്പാടന്‍ ഉദ്ഘാടനം ചെയ്തു. ജില്ലാ ഐ.ടി കോഡിനേറ്റര്‍ ടി.കെ അബ്ദുല്‍ റഷീദ് അധ്യക്ഷനായി. മാസ്റ്റര്‍ ട്രെയ്‌നര്‍മാരായ ഹസൈനാര്‍ മങ്കട, കെ. ശബരീഷ്, എം.പി കൃഷ്ണന്‍, പി.എ റസാക്ക് പങ്കെടുത്തു.