ഷൊര്‍ണൂര്‍: സംസ്ഥാന സ്‌ക്കൂള്‍ ശാസ്‌ത്രോത്സവം നടക്കുന്ന ഷൊര്‍ണൂരില്‍ ലോഡ്ജുകള്‍ ഹൗസ് ഫുള്‍. സംസ്ഥാനത്തിന്റെ വിവിധ ഭാഗങ്ങളില്‍ എത്തുന്നവര്‍ ലോഡ്ജുകള്‍ എല്ലാം ബുക്ക് ചെയ്തു കഴിഞ്ഞു. പങ്കെടുക്കുന്ന വിദ്യാര്‍ത്ഥികള്‍ക്ക് ഷൊര്‍ണൂര്‍ സെന്റ് തെരേസ് സ്‌ക്കൂളില്‍ താമസിക്കാന്‍ സൗകര്യം ഒരുക്കിയെങ്കിലും തികയാത്തതിനാലാണ് ലോഡ്ജുകളും ഹോട്ടലുകളും നേരത്തെ ബുക്ക് ചെയ്തത്. ബന്ധുക്കളുടെയും സുഹൃത്തുക്കളുടെയും വീടുകളിലും തല്‍ക്കാലം താമസിക്കാനും മത്സരിക്കാനെത്തിയവര്‍ കണ്ടെത്തിയിട്ടുണ്ട്.