ജിദ്ദ: ജിദ്ദയില്‍ നിന്ന് 210 കിലോമീറ്റര്‍ അകലെ മദീന റോഡില്‍ അല്‍അംന എന്ന സ്ഥലത്ത് ചൊവ്വാഴ്ച പുലര്‍ച്ചെയുണ്ടായ വാഹനാപകടത്തില്‍ കോഴിക്കോട് കോടച്ചേരി നുറമ്മതോട് സാബ്രിക്കല്‍ വീട്ടില്‍ സജി മാത്യു (42)മരിച്ചു. ഇദ്ദേഹം സഞ്ചരിച്ച വാഹനത്തിന്റെ ആക്‌സില്‍ പൊട്ടി വാഹനം മറിഞ്ഞാണ് അപകടം ഉണ്ടായത്. എ.സി. ടെക്‌നീഷ്യനായി ജോലി ചെയ്യുകയായിരുന്നു ഇദ്ദേഹം. ജോലി സ്ഥലത്തു നിന്ന് ജിദ്ദയിലേക്ക് മടങ്ങുമ്പോഴാണ് അപകടം ഉണ്ടായത്. 15 വര്‍ഷമായി സഊദിയില്‍ ജോലി ചെയ്യുന്ന ഇദ്ദേഹം കുടുംബ സമേതം ജിദ്ദയിലെ മക്രോണയിലാണ് താമസം. പിതാവ്: മാത്യു. മാതാവ്: സിസിലി. ജിദ്ദ നാഷണല്‍ ഹോസ്പിറ്റലില്‍ നഴ്‌സായി ജോലി ചെയ്യുന്ന
അന്നമ്മ ദേവസ്യയാണ് ഭാര്യ. രണ്ട് ആണ്‍കുട്ടികളും ഒരു പെണ്‍കുട്ടിയുമുണ്ട്. മൃതദേഹം സാസ്‌കോക്ക് സമീപമുള്ള ജനറല്‍ ആശുപത്രിയില്‍ സൂക്ഷിച്ചിരിക്കുന്നു. നവോദയ പ്രവര്‍ത്തകനായ നൗഷാദ് പെരിന്തല്‍മണ്ണ ആവശ്യമായ നിയമ സഹായങ്ങള്‍ നല്‍കാനായി രംഗത്തുണ്ട്.