കൊപ്പം: വിളയൂര്‍ പഞ്ചായത്ത് സ്‌കൂള്‍ കലോത്സവത്തില്‍ ജനറല്‍ വിഭാഗത്തില്‍ പേരടിയൂര്‍ എ.എല്‍.പി.സ്‌കൂളും അറബി കലോത്സവത്തില്‍ എ.എം.എല്‍.പി.സ്‌കൂള്‍ എടപ്പലവും ജേതാക്കളായി. വിളയൂര്‍ എ.എല്‍.പി.സ്‌കൂള്‍, എടപ്പലം എ.എം.എല്‍.പി.സ്‌കൂള്‍ ജനറല്‍ വിഭാഗത്തിലും. കരിങ്ങനാട് ബി.എസ്.എ.എല്‍.പി.സ്‌കൂള്‍, പേരടിയൂര്‍ എ.എല്‍.പി.സ്‌കൂള്‍ എന്നിവ അറബി കലോത്സവത്തിലും രണ്ടും മൂന്നും സ്ഥാനം നേടി.
സമാപന സമ്മേളനം കമ്മുക്കുട്ടി എടത്തോള്‍ ഉദ്ഘാടനം ചെയ്തു. പഞ്ചായത്ത് പ്രസിഡന്റ് കെ. മുരളി അധ്യക്ഷനായി. വി.എം. മുഹമ്മദാലി, എ.കെ. ഉണ്ണികൃഷ്ണന്‍ സംസാരിച്ചു. ഡി. ഷാജിമോന്‍, എം.മണികണ്ഠന്‍ സമ്മാനദാനം നടത്തി. വി. അഹമ്മദ്കുഞ്ഞി സ്വാഗതവും ഉമ്മുസല്‍മ നന്ദിയും പറഞ്ഞു.