ചങ്ങരംകുളം: നന്നംമുക്ക് ഗ്രാമപഞ്ചായത്തിലെ കാഞ്ഞിയൂര്‍ പാടത്ത് താമസിക്കുന്ന മുപ്പതോളം കുടുംബങ്ങള്‍ വേനലെത്തും മുന്‍പേ ശുദ്ധജലമില്ലാതെ ദുരിത്തതില്‍. 500 മീറ്റര്‍ ദൂരത്തുള്ള സ്വകാര്യ വ്യക്തിയുടെ കിണറ്റില്‍ നിന്നാണ് കുടുംബങ്ങള്‍ വെള്ളം കൊണ്ടുവരുന്നത്. സ്ത്രീകളും കുട്ടികളുമടക്കമുള്ളവര്‍ ഏറെ ബുദ്ധിമുട്ടി തലച്ചുമടായാണ് ഇവര്‍ വെള്ളം കൊണ്ടുവരുന്നത്.
വേനല്‍ എത്തിയാല്‍ ഇത് തടസ്സപ്പെടുമെന്ന ആശങ്കയും ഇവര്‍ക്കുണ്ട്. പഞ്ചായത്ത് അധികൃതരുടെ ഭാഗത്ത് നിന്ന് അടിയന്തരനടപടി സ്വീകരിക്കണമെന്ന ആവശ്യം ശക്തമാണ്.