താനൂര്‍: 'ന്റെ മോനെ കൊന്നവരാരായാലും ന്റെ മുന്നില്‍ കൊണ്ടുനിര്‍ത്തണം സാറേ, പച്ചപ്പാവമായിരുന്ന ഉണ്ണിയെ എന്തിനാണു കൊന്നതെന്ന് എനിക്കവരോടു ചോദിക്കണം' കൊടിഞ്ഞിയില്‍ മതം മാറിയതിനെ തുടര്‍ന്നു കൊല്ലപ്പെട്ട ഫൈസലിന്റെ വീട് സന്ദര്‍ശിക്കാനെത്തിയ സി.പി.എം നേതാക്കളോടു ഫൈസലിന്റെ അമ്മ മീനാക്ഷിയുടെ അഭ്യര്‍ഥനയാണിത്. മകന്‍ ഇസ്‌ലാം സ്വീകരിച്ചതില്‍ തങ്ങള്‍ക്കു യാതൊരു എതിര്‍പ്പുമുണ്ടായിരുന്നില്ലെന്നും ഞങ്ങളെല്ലാവരും ഉണ്ണിയുടെ (ഫൈസലിന്റെ) വീട്ടില്‍ പോയിരുന്നതായും മീനാക്ഷി പറഞ്ഞു.
ഫൈസലിനെ കൊന്നവരെ എത്രയുംവേഗംനിയമത്തിനു മുന്നില്‍ കൊണ്ടുവരുമെന്നും അന്വേഷണം ത്വരിതഗതിയിലാക്കാന്‍ പൊലിസിനോട് ആവശ്യപ്പെടുമെന്നും സി.പി.എം നേതാക്കള്‍ പറഞ്ഞു. പാലോളി മുഹമ്മദ് കുട്ടി, പി.പി വാസുദേവന്‍, ഇ.എന്‍ മോഹന്‍ദാസ്, വേലായുധന്‍ വള്ളിക്കുന്ന്, വി. അബ്ദുറഹ്മാന്‍ എം.എല്‍.എ, ഇ. ജയന്‍, അഡ്വ. അലവികുട്ടി, പി.കെ മുഹമ്മദ്കുട്ടി എന്നിവരാണ് സന്ദര്‍ശക സംഘത്തിലുണ്ടായിരുന്നത്.